美国春晚来晚了II

娄一晨

北京时间本周一上午，第59届超级碗橄榄球总决赛终于上演。费城老鹰队以40比22大胜堪萨斯城酋长队，不仅报了两年前加时赛失利的一箭之仇，更是击碎了对手实现三连冠的美梦。当天晚上，老友S打来电话。

S：娄啊，超级碗我看来，蛮灵呃蛮灵呃。

我：美国春晚，观众最多，收视率最高。政客都混过去么就是为了表明自家是亲民，与民同乐。啥叫美国春晚？就是全国人民侪一道看球呀！而且又是礼拜天夜里厢。

S：迭个倒是真呃……不过，我只是想晓得，大家介空啦？看看电视转播么好来……

我：朋友，侬真个是有空哦，管人家迭种闲事……老实讲，蹲了美国，也就是因为超级碗比赛个收视率实在太高，影响实在太大。

S：对额对额，侬一讲我倒是侪想起来了……所以，照侬老娄个意思，只好讲超级碗勿仅仅是一场体育比赛，更加是美国人每年一个非正式额国定假日了咯？

我：是呀……侬晓得吗？为了今朝迭场超级碗，NBA甚至连比赛也呒没安排，NCAA大学篮球个比赛全部蹲了下半天打光。为啥？勿帮侬抢生意呀……当然，伊拉自家也晓得抢么也抢勿过。还勿如掿辰光空出来，大家一道看超级碗过节。

S：个么，今朝迭场超级碗个收视率出来了吗？我记得侬过年个辰光帮我讲可以轻松突破1.2亿人呃……

我：哈哈哈，老兄啊，今朝中廊厢比赛刚刚结束，数据呒没介快更新呃呀……过两天我讲拨侬听……

昨天，上网查了一下，果然：1.277亿人！再创超级碗收视人数新纪录！