被电影耽误的球员康纳利

娄一晨

10月的最后一天，晚上，娄老师正在专心致志地看英超联赛的转播。

“哎，最新个新闻看到了吗？”家里领导突然发话。

“啥新闻啊？”娄老师头也不回。

“肖恩·康纳利过世了，享年90岁！”领导的声音略带一丝伤感。

闻听此事，娄老师再也顾不上什么英超的比赛了。

“啊？勿会吗？”娄老师忙不迭地翻手机。“哦哟，真额，格机刷屏结棍了。唉，第一代007啊……”

“伊演额007不好白相。”领导又发声音了，“我还是欢喜布鲁斯南，好白相，讲戏话，还要帮交通工具犯冲。”

娄老师赶紧解释：“迭额啦，就是男生和女生之间个审美差异来。康纳利走额是硬汉路线，因为伊自家就是身材高大，对吗？介大只模子，片子里厢交人家对打自家就可以上了，连得替身演员也省忒了。布鲁斯南呢，也蛮好，走风流路线，专门讨絶女人额欢喜。侬还记得罗杰·摩尔吗啦？也是迭只路子呀，比布鲁斯南更加痞搭搭痞搭搭……”

领导不屑：“哼，算侬侪晓得来？了勿起啊？”

娄老师只好再解释：“真额呀！康纳利自传里写过啊呀，伊16岁加入皇家海军，为了勿拨其他人欺负开始拼命健身，所以呒没几年自家只模子就发出来了。而且侬晓得吗啦？伊差眼就加入曼联队踢球去了。”

“哦？还有迭额事体啊？”

“是额呀。”娄老师一下子兴奋起来。“按照康纳利自家额讲法，伊从海军出来以后曾经蹲了苏格兰一支业余球队踢球。1953年伊23岁个辰光，伊拉迭支业余球队到曼彻斯特踢野球，呒想到场子边廊厢居然有一个观众正好是曼联队著名教练巴斯比爵士。”

领导插话：“曼联队著名教练勿是弗格森爵士吗？啥地方又冒出来个巴斯比爵士？侬又骗我，是吗？”

娄老师只好苦笑：“哎，太太，曼联队一百多年历史，教练多来！侬以为啥？只有弗格森一个教练啊？巴斯比爵先生做曼联队主教练是啥辰光侬晓得吗？从1945年一直到1971年！”

“好了好了，快点讲下去，好吗？”领导有些不耐烦了。

“结果嘛……”娄老师哪里肯放过如此大好的卖弄机会？“巴斯比就看中了长一码大一码额康纳利呀。当场就问伊愿意加入曼联队吗？连得工资奖金个尺寸也报拨伊来——周薪25英镑。”

“啊？只有25英镑？介便宜啊？”领导一面孔的不相信。

“真个！侬覅勿相信！”娄老师继续得意，“侬想呀，当时辰光是1953年呀，二战刚刚结束只有几年啦？周薪25英镑签一个业余球员，蛮好来……”

“个么伊做啥呒没答应啦？”

“哈哈哈，还好伊呒没答应哦……”娄老师大笑，“康纳利自家讲，当时辰光伊老动心额，晓得吗？到底是曼联队呀……但是呢，迭只赤佬突然想到自家已经23岁了，做球员踢联赛顶多混到30岁出头，以后再做啥事体就勿晓得了。所以迭个朋友就决定去做演员，因为演员可以一直做下去，年纪大了也勿搭界。唉，就差一眼眼哦，否则007就跟伊勿搭界来……”