风水轮流转今年到药厂

娄一晨

Z君是我朋友圈里少数的拜仁球迷之一。和他一起聊天很有意思。

Z：唉，娄啊，侬讲讲看，伊哈里·凯恩阿是只霉招星？

我大惊：啊？哈里·凯恩？哪能霉招星了啦？人家勿是进球效率老高额吗？本赛季穷帮拜仁进球了呀，还要哪能啦？

Z愤愤然道：进球多有啥用啦？联赛冠军没了呀！连得勒沃库森搿种队也好得冠军！侬讲伊永远就是掿亚军额命……

我赶紧把话接过来：哎，老兄啊，侬迭个闲话就有问题来，凯恩有勿有冠军命阿拉先勿讲。哦，人家勒沃库森勿好掿冠军啊？只好拜仁掿联赛冠军？侬勿觉着拜仁已经冠军掿了太多了？此前11连冠是勿啦？

Z辩解：阿拉拜仁11连冠么是因为实力摆勒嗨额呀，对吗？冠军多嘛更加是靠实力呀……再讲了，啥人会得嫌鄙冠军多啦？

我继续说：个么，人家勒沃库森勿是靠实力掿冠军额？赛季开始到现在还能够保持勿输球，绝对有实力噢……侬覅看人家俱乐部搿趟只是120年历史第一个联赛冠军，但是万一是风水轮流转呢？我记得拜仁历史廊厢就是搿能呃呀，从1900年俱乐部成立到1968年，当中只有1932年掿过一次联赛冠军。一直到1969年联赛冠军到手再是真额风水转过来了……

Z略有不屑：哼！啥么事风水轮流转？介便当就转过去啦？

我笑了：哈哈，老兄啊，每一支球队能勿能掿冠军，啥辰光掿冠军，除脱靠实力还要靠运道，靠机缘巧合。但是，运道迭个么事啥人讲得清爽？有些球队比如勒沃库森，成立120年只等到第一个冠军。还有些球队，前后两个冠军之间可能隔开几十年甚至一百多年。我只好迭能介讲，每一支历史悠久一直活到今朝个球队，哪怕伊从来呒没掿过冠军，侪是老勿容易额，侪是非常值得尊敬额，侪是拼之性命努力奋斗，一面让自家能够生存，一面勒嗨等待时来运转……

Z沉吟片刻：唉，娄啊，道理是对额，但是阿拉作为球迷，当然还是希望看到自家个球队年年掿冠军呃呀……

突然想起了2016年芝加哥小熊队逆转获胜勇夺美国棒球大联盟总冠军的事迹。

这支棒球队创立于遥远的1870年，早在1907年和1908年就已经两次捧起总冠军奖杯。但是，1908年之后，命运却仿佛开玩笑一般把奖杯收走了，一收就是108年……