听说央视不播国足

娄一晨

前天，和几个老同学约了饭局。结果，菜还没上呢，先拿我说事儿……

X：娄啊，侬晓得吗，为啥阿拉几家头要约侬今朝礼拜三喫饭？

我不解：为啥？晓得我就是今朝有空？

Y：本来想约侬明朝夜里厢呃，但是明朝勿是正好有国家队18强赛呀，踢日本队，怕侬明朝夜到要去直播，所以才改到今朝……

我：哈哈，两位阿哥，我正好汇报一下哦……明朝夜到我勿直播，因为……呒没版权……平台呒没买着版权，所以我……休息……（啊？两位老同学一起惊诧……）哎，两位阿哥，用勿着介惊讶。连得央视还呒没版权来！明朝夜到大概率央视也勿转播。

X：央视也勿转播？世界杯预选赛唉……我勿相信！侬老娄视频网站呒没版权勿转播也就算了，央视勿转播覅拨老百姓骂煞脱啊？

我：老兄啊，侬覅勿相信呀，已经有交关网友到央视网站廊厢查询过来，明朝夜到，央视五套节目预告里厢呒没呃……

哎，真呃闹，真呃呒没预告呀……Y熟练地在手机上查到了，递给X看。

X又大吃一惊，老花眼镜都拿不住了：啊？迭个算啥路子啦？

我：啥路子？商业路子呀。啥叫呒没版权？就是央视跟版权方谈判，价佃呒没谈下来呀！

Y还是很冷静：老X，侬覅介激动呀，侬看到有另外一家视频网站发预告，人家讲自家全媒体独播！看到吗？

X：全媒体独播，也就是讲版权捏了迭家视频网站手里咯？个么，阿拉要看就只好上伊拉网站里厢去看咯？个么，又要我出钞票去买会员了咯？

我：呵呵，赞吗？考验侬额辰光又到来……看看叫侬对国家队对中国足球到底有多少感情？侬勿是舍勿得迭点点小钞票吗？

X：老娄，覅瞎三话四！跟钞票勿搭界呃好吗！我是觉着有点瞎弄！介重要个比赛，世界杯预选赛唉，就为了版权价佃谈勿拢，就要逼牢全国人民付钞票去看视频网站咯……社会责任心呢？

Y：哎哎，老X，侬好好交？一场足球呀，弄得来上纲上线做啥啦？来来来，人家上菜了，阿拉开始喫饭……