从成衣铺到“三帮”裁缝

微信扫码看视频听钱程沪语朗读

◆ 储有明

1843年以前，上海个成衣铺通常只做中式服装，包括长衫、旗袍搭仔短衫裤之类。成衣铺个老板搭仔伙计，起初侪是苏州人搭仔广东人。滑稽戏《七十二家房客》个编剧杨华生搭仔笑嘻嘻，拿戏里向个裁缝师傅设定为苏州人是有事实依据个。

苏广成衣铺根据来料加工个面料，搭仔服务对象个档次，分为两大帮：一帮是专门为有铜钿人家做绫罗绸缎服装个“本帮裁缝”；另一帮面向劳工，只做布料、只做短衫裤，被称为“大帮裁缝”。

自从来上海的外国轮船越来越多，外国船长搭仔外国水手，靠岸后常常需要整理甚至缝补身上穿个西装。黄浦江边个码头附近就出现了一批拎仔装满缝纫工具个包裹，上船为外国船员缝补、整修西装个中国裁缝。

迭种拎仔包裹上船，为洋人整修西装个中国裁缝，被叫作“拎包师傅”。开苏广成衣铺个老板，实际上是看勿起“拎包师傅”个；认为只有走投无路个“落难”裁缝才会拎包上船做生意，因此干脆就叫伊拉是“落河师傅”。

“落河师傅”通过长期拆洗、缝补西装，学会了西装个裁剪搭仔缝制方法；再加上拎包上船服务，钞票赚得比较多，日积月累，就有本钱辣了黄浦江边个码头一带，陆陆续续开出了不少西装店。

南京路上最早出现个西装店，是1910年由宁波人王才运开个“荣昌祥呢绒洋服店”。店面开辣了虞洽卿路搭仔大马路个转弯角子上，就是现在第一百货商店个位置，足足有十开间门面。楼下零剪呢绒，承接定制加工西装；二楼是工场间，兼营批发。全部员工加起来超过一百个人，是当时上海规模最大个西装店。

王才运西装生意做得大，徒弟也收得多；徒弟沾亲带故，侪是从宁波老家王姓同宗个子侄晚辈当中招来个。后来徒弟们也自立门户，各自辣了南京路浪开起了西装店，如“王兴昌记西服号”“王顺泰西服号”“王荣康西服号”等，其中六家规模比较大个，被业内称为“南六大户”。

到了上世纪二三十年代，上海人穿西装个越来越多，西装店也越开越多。做西装个裁缝师傅形成了专做西装个“红帮裁缝”，同“本帮裁缝”搭仔“大帮裁缝”，统称“三帮”。又因为西装店是宁波奉化籍商帮长期经营个传统行业，因此“红帮裁缝”当中又以“奉帮裁缝”人数最多，市面做得最大。据当时出版个一本《甬光初集》记载，“奉帮裁缝”辣上海开个西装店有九十家，排名第一。