寻一碗“浆水鱼鱼”

◆ 卢忠雁

讲到西安小吃，上海人往往会想起肉夹馍、羊肉泡馍搭仔油泼面。勿过，对我来讲，最想念个是老巷弄个“浆水鱼鱼”。

头一趟吃浆水鱼鱼，是大热天去西安，辣了城墙旁边有一家小吃店，一开间门面，门口摆了一只半人高个粗瓷盆，里头浆水碧绿，有一股酸溜溜个香气。老板是一个五十多岁个老伯伯，一口秦腔味儿普通话，嗓门洪亮：“小伙子，要凉调还是热烩？”我迭个上海人勿懂其中门道，只晓得热天吃冷个爽口，就回答“要凉调”。老伯伯笑得眯起眼，转身从盆里捞起一碗“宝贝”——白白嫩嫩、两头尖尖个面疙瘩，辣碗里晃来晃去，看上去活脱脱一群刚从水里捞上来个小鱼。接下去就是关键步骤——调浆。老伯伯先舀了几调羹用包菜、芹菜加面汤泡出来个腌浆水，酸得清爽，鲜得地道。接着撒上切碎个香菜、蒜苗，再淋一调羹红彤彤个油泼辣子。最后滴几滴香油，放一小撮盐，一调羹芝麻酱。我端着碗，学着邻桌食客，用调羹轻轻搅了搅，“鱼鱼”滑溜溜地钻进调羹，送进嘴巴，先是浆水酸劲儿开胃，接着是面鱼软嫩，然后是辣子鲜香，最后是香油醇厚，几种味道辣嘴巴里层层递进，顿时暑气消散，比吃了冰镇绿豆汤还要舒坦。

后来搭老伯闲聊，才晓得迭种浆水鱼鱼堪称当地个“全民小吃”，上到阿婆，下到小囡，侪欢喜迭一口味道。热天吃凉个，有些铺子还会拿浆水冰辣井里，吃起来透心凉；冬天就吃热个，拿浆水烧开，放进鱼鱼煮上片刻，再加点土豆丝、胡萝卜丝，吃一碗，浑身暖洋洋。至于“鱼鱼”个做法也有勿少窍槛：用玉米面或荞麦面调成稠浆，在锅里熬得冒泡，然后用特制漏勺捞起，面浆从漏勺孔洞流出，掉进凉水，就凝成了滑溜溜个“鱼鱼”，其中面浆个浓稠度、漏勺捞取面浆个手法，侪是代代相传个手艺。

我还发现，西安人吃浆水鱼鱼跟上海人吃小笼包一样，讲究“一吸二嚼三回味”。第一口轻轻吸，感受浆水酸鲜和鱼鱼滑嫩；第二口慢慢嚼，品调料层次，辣子香、蒜苗辛、芝麻酱醇，一一在嘴里散开；第三口就是回味了，吃完一碗，嘴里还留着浆水余韵，忍不住想再来一碗，就像上海人吃完生煎，总要配碗咖喱牛肉汤，才算吃得圆满。

回到上海，我总时不时想起那碗浆水鱼鱼。有一次辣菜场看到有人卖浆水鱼鱼，赶紧买了回家，学着老伯伯个样子，熬面浆、漏鱼鱼、调调料，忙了半天，味道却总是差点意思——大概是少了当地个烟火气，就像上海粢饭团，离开了弄堂里个煤球炉，总觉得少了点香甜。其实，不管是西安个浆水鱼鱼，还是上海个粢饭团、小笼包，侪是阿拉老百姓个家常味道，呒没山珍海味，却有着最实在个幸福。一碗浆水鱼鱼，酸是生活本真，鲜是日子红火，辣是人生爽快。吃，从来不只是味道，更是那份对生活热乎劲儿。要是你哪天去西安，别光顾着打卡肉夹馍，不妨寻一碗浆水鱼鱼尝尝鲜。