希望

娄一晨

前两天，老娄正好到电视台附近办事，于是就约了两位老兄弟喝茶聊天。聊天的内容么，当然是我中国队最新的世预赛前景。

L：阿哥啊，侬觉着阿拉国家队接下来两场比赛有希望吗？我听说放出来额风声是客场对沙特掿1分，下个礼拜二回到主场要争取赢澳大利亚！

我：啊？1胜1平掿4分？太乐观了。

C：是额呀！我前头阿哥侬还没来个辰光就勒跟L讲太乐观来……

L：有机会掿4分啊……现在迭个两支队伍，侪勿灵呃……差勿多侪是历史上实力最差！尤其是沙特，此前六场小组赛一共只进了三只球，四场比赛呒没进球……

我赶紧点赞：兄弟可以呃！小组形势记了清清爽爽！但是，侬覅忘记沙特队一共只进了三只球，其中居然有两只就是对阿拉国家队进个呀……

C：就是呀……万一沙特主场一记头发疯呢？而且，阿拉主场肯定好赢澳大利亚吗？再讲来，现在从澳大利亚开始，五支球队分数屏了一道，大家心里厢侪抖豁了勿得了……

我：呒没错，大家侪紧张呃……所以阿拉看后天礼拜四场比赛的结果就清爽了。澳大利亚要是赢了印尼（已经赢了），澳大利亚就是10分。也就是讲半夜里厢阿拉交沙特还呒没开打就已经落后澳大利亚4分了。个么下个礼拜两主场踢澳大利亚侬讲讲看，心里厢阿是要更加紧张、更加抖豁？

C很细心地找出了礼拜四的赛程：同一天里厢好推板介许多辰光啊？

我：迭个呒没办法，亚洲地方大呀……澳大利亚现在夏令时，比阿拉早三个钟头。沙特要比阿拉晚五个钟头，而且伊拉伊面侪是夜到9点钟以后开始踢比赛。所以澳大利亚主场赢了印尼，接下来定定心心看阿拉跟沙特对拼……个么下个礼拜二澳大利亚到杭州来打客场只要守牢1分就足够来……

L沉吟良久：阿哥啊，侬迭个分析太悲观！阿拉国家队还是有希望呃……

我大笑：兄弟啊，阿拉当然侪希望国家队有希望呃咯……但是，人家看到阿拉国家队也觉着有希望呃呀。