大运会 开心会

娄一晨

上周末，在德国举行的第32届世界大学生运动会落下帷幕。中国代表团以30金27银17铜的优异成绩名列金牌榜第二。其中，最令人欣喜的成绩是中国大学生女篮在决赛中击败美国队勇夺金牌，有朋友在微信上跟我聊起这场女篮决赛。

友人：老娄啊，中国女篮搿趟大运会可以呃！掿美国队斩脱了！迭块金牌含金量结棍来！

我：是呀是呀，能够赢美国女篮，哪怕只是大学生队，也是勿得了额好成绩……

友人：但是，我此地有蹲了美国额朋友讲大运会勒嗨美国国内根本就呒没人关心呃！美国人搿趟派出去额大学球队也勿是啥强队。我看到阿拉自家有媒体讲，美国队派出来额是今年伊拉NCAA四强球队。乃么我确勿准来……侬老娄对美国体育比较了解，侬晓得吗？

我：搿趟大运会阿拉国内有转播吗？好像一点也呒没看到吗？至于侬问我美国队到底是勿是伊拉国内额大学强队，侬等我一歇，我上网查一查哦……

于是，接下来的半小时，老娄赶紧在网上搜索。

我：我查到了——美国队搿趟派出来额是德州理工大学女篮。本赛季总成绩19胜18败，勒嗨自家小联盟Big12常规赛是4胜14败，一共16支球队里厢排名倒数第三。季后赛倒是还可以，打进八强。但是，根本就呒没进今年NCAA全国女篮锦标赛。而且，迭支球队已经交关年数呒没进过全国锦标赛来……上一趟还是2013年……

友人大惊：啊？我朋友讲对了咯？根本就勿是啥强队咯？

我笑了：兄弟啊，勿管是勿是强队，阿拉女篮能够赢美国大学队，总归还是好事体呀……侬想，阿拉搿趟派出去额也是正儿八经大学生呀，北师大女篮+其他学堂额尖子选手。

友人又问：老娄啊，个么美国人做啥勿派强队来参加啦？比如讲NCAA四强或者八强球队。大运会金牌也是金牌呀……

我：迭额侬叫我哪能回答侬呢？我只晓得大运会额主办方是国际大学体育联合会，英文缩写，勿对，是法文缩写FISU。对应到美国国内是美国国际大学体育联合会，英文缩写是UniUSA，根本就勿是NCAA。所以，每趟大运会，迭只UniUSA侪只好寻几只大学商量，要么去参加一下？

友人又大惊：啊？好搿能介弄啊？

我大笑：哈哈哈，兄弟啊，大运会么本来就是让学生暑假里厢出来白相相，开心开心呃呀……一面白相一面还有得金牌掿掿，多少开心？