趣谈姓名与方言

文/许德华

当了一辈子教师，学生名册是我退休后个一份珍藏，有辰光拿出来翻翻看看，一个个名字背后有勿少回忆搭仔故事，蛮有意思个。

上世纪八十年代有交关学生起单名，比如：宋林、陈玲、王伟、张虹，至于三个字个，像李鸣航、王佩玲、赵燕梅之类，名字通俗，也符合上海方言。我退休个2016年，学生名册浪发音接近个名字比较多，例如：高馨韵、候熙瑶、周潇洋，用年轻老师个闲话来讲，有一股浓浓个影视文艺范。

有经验个老师只看学生名字，就大致猜到学生个生肖搭仔家庭情况，像王寅虎、杨小满、曹郭凤、吴胥子，后来师生相谈，果然猜对了。寅时指个是二十四小时中个三点到五点，又表示农历正月、五行中个“木”、十二生肖中个“虎”。39岁高龄个妈妈诞下个珍贵儿，全家花力气起名。男生长得文弱白净，但名字饱含父母心愿。

“小满”是二十四节气中最热闹个辰光，“物至于此，小得盈满”。此“物”指个是冬种夏收个冬麦。来自河南北方个家长给女儿起了一个温暖个学名，说是生在五四青年节和六一儿童节当中，女孩子要志存高远，做得了大事小事。

“凤”和“子”一目了然，独生子女嘛，自然是父母个心尖尖。

女生秦卢婴个名字和“凤”“子”异曲同工，秦汉时期识字课本《苍颉篇》云：“男曰儿，女曰婴”，家长给孩子起了个古风今意个芳名。课堂上讲到春秋战国个历史，添了女生个姓名别趣，课堂氛围蛮好。

姓名记载了人文密码，有些字在姓氏上唯独一个读音，例如“单”字一般念（dān），作为姓氏念（shàn）。作为中国古代匈奴君主个称号，“单于”读作（chán）。解放军个“解”（jiě）字做姓氏时念（xiè），记得有一个女学生就叫“解燕怡”。检查个“查”（chá）字作为姓氏念作（zhā），巧个是上海话里“查”字读作（shó），和原来个读音侪勿一样。“龚”姓也是这个样子，沪语里说成“jūn”在当下推普（普通话）和推沪（沪语）并举个情况下是个有趣个正音例子。

“亓”（qí）姓男生有次对我说，交关人会拿伊个姓念成“开”，我一次就叫准了，问我有啥门槛？我讲门槛就是事先查字典，熟悉照片。

记得有一个名叫和啸个男生，获得过上海市“两史一情（中国近代史、现代史、基本国情）”知识竞赛优胜奖。听伊讲，伊拉一家门是从云南来个。我曾经去云南丽江旅游，还做过中国乡村教育志愿者，认识交关纳西族同胞，伊拉有勿少姓“和”。去广西大化瑶族山区助学走访，搿搭“蒙”姓扎堆，一个叫蒙意娜个女生对我讲，汉族个“毛”姓有一部分是从蒙氏生发开去个。

姓名是一个符号，对普通人而言好听、有意义就足够了，比如蔡拔萃、赵致远、邵嘉龄这样个名字都挺好！勿过，起名搭仔叫名字要注意方言，有时由于方言读音个变化，也会闹出一眼笑话。