也说镬焦

文/赵韩德

近期有位作者写到镬焦即锅巴，既有趣还长知识。阿拉浦东本地人老早一向是叫镬焦嗰，锅巴是外来方言。不由得想起一个镬焦救命个故事，事情发生地与上海（魏晋时称“沪渎”）有关。

东晋辰光，吴郡有个小吏叫陈遗，邪气孝顺姆妈。伊姆妈欢喜吃镬焦，陈遗就准备了一只囊袋，每当官府里有镬焦多余，伊就收起来囥了囊袋里，等回家辰光带给姆妈。迭个期间，有一个海盗孙恩，经常袭击苏浙沿海地区。一次，海盗出没于吴郡，太守发兵征讨。搿辰光陈遗已经收藏了好几斗焦饭，呒没来得及回家交给姆妈，就带着从军。不料辣辣沪渎一带交战，官兵被海盗击败，溃兵逃入荒野，很多人饿死了。陈遗却靠着吃镬焦活了下来。当时人们说，迭个就是行孝个善报。

搿桩事体记载于《世说新语》。对这个记载，有史学家给出很高评价：“考‘世说’所载多魏晋之事……皆名士之冠绝当时者。（陈）遗南土寒士，独蒙记录……盖因其纯孝足贯神明，（作者）不以微贱而遗之也。”