做人家

◆ 范国忠

过去上海人家过日脚，崇尚的是“精打细算”。物资匮乏，几乎所有生活用品都需要凭各种票证购买，过日脚不容易。只有精打细算，才能不借债不断顿，把日脚顺顺当当过下去。

精打细算，勤俭持家，用上海话讲就是“做人家”。屋里有小囡，衣裳倒还可以老大穿过以后缝缝补补再拨老二穿，但是吃个物事是吃一口少一口，俗话说“半大小子吃穷老子”，小人长身体个辰光勿但胃口大，还要讲究营养。所以，当家个爷娘，能少花铜钿就少花铜钿，能自家做个就自家动手做，所谓“惜物惜福”。记得小辰光过暑假，屋里买只西瓜，瓜瓤吃脱以后，爷娘会拿西瓜外面个绿皮削脱，切成长条，用盐腌一腌，放点酱油，第二天早浪吃泡饭个辰光，当酱瓜吃。搿种西瓜皮酱瓜，现在少有上海人家做了。

现在生活物质丰富了，但“做人家”个传统勿能掼脱。搿不是小气，而是该节约就节约，该消费就消费，拿钞票花辣恰当个地方是关键。过日脚“做人家”，是一种高层次个生活境界，精打细算是一种先进个持家理念。