欢欢喜喜逛书展

文/冯济民

2023书展闭幕了。承蒙出版社2位好友赠送电子门票，我得以免除登记预约购票之麻烦，三次前往参观。迭次书展拨我留下了深刻个印象搭难忘个回忆，总结起来就是五个“乐”。

一是觅书乐。

今年书展一大特点是有上海旧书店开设个“淘书乐”专区，专卖各种旧书。迭搭各种各样个旧书丰富多彩，但要觅得心仪个书要靠侬自家去“淘”。我每次去书展总先到此觅书。先后淘得《作文法概要》《作文优化升格例示》搭《个人收藏与投资》三本书，侪是三十年前出版个，只花了20元钱。迭对我写作搭仔收藏侪有勿小帮助。此外，还购得一份刚出版个2023版上海地图。比较可惜个是，今年书展呒没纸质门票，我买了纪念封留作纪念。

二是参与乐。

搭以往去书展只是单纯购书勿同，今年我应邀参加了三次新书分享会，两次当了嘉宾。写了三篇图文并茂个报道勒自家个微信公众号浪发布，勿少文友点赞转发。第一次是应《难忘个浦东城建岁月》一书编委会之邀，当该书分享会圆桌论坛个嘉宾。第二次是应《海上风情——上海话朗读》一书主编之邀勒新书读者见面会浪诵读自家个作品。第三次是应上海市建筑学会副理事长之邀参加《滨河空间三十年》一书新书分享会。亲身当嘉宾上台发言还是第一次，感觉真好。

三是交友乐。

参加三次分享会并当嘉宾，得以结识了勿少新朋友，有个还加了微信。其中有出版社社长、著名作家、高级记者、报社搭仔电台编辑、专家教授等。迭为今后个交往联系创造了条件。搭优秀个人接触能使自家勿断得到进步搭仔提高。勒书展浪我还结识了一对年轻夫妇，侪是大学生，男个搞电力，女个勒出版社搞设计，相谈甚欢，加了微信。茫茫人海里能够有缘相遇，感觉也是蛮奇妙个。

四是听讲乐。

勒书展上听了几次讲座，感觉勿错。主讲人侪是新书作者，有水平。印象深刻个是一次《二十世纪德国哲学》讲座，虽是高深个哲学讲座，居然满座。听众大多是年轻人。迭勿禁让我感到惊喜。哲学无处勿在，用哲学指导阿拉个学习、工作搭仔生活，将获益匪浅。

五是敲章乐。

今年书展多了个敲章环节。到处侪有人排长队，勿为购书只为敲章。有眼人有备而来，专门准备了敲章个簿子。据说整个书展有三四百个章，要敲全还真勿容易。迭个勿禁让我回忆起自家当年勒世博会浪排队敲章个情景。我参与其中，整整敲了廿张A4纸。

迭次书展到处侪能看到降价打折优惠，通常五折六折，也有二折三折。迭个也提醒出版社，出书要搞好选题，要作市场调查，否则出版以后卖勿出去，积压，岂勿既浪费精力又赔本。

书展里有勿少地方卖饮料搭仔食品，方便了阿拉搿点读者。我头子活络，寻到位于地下室个职工内部食堂就餐，三菜一汤加酸奶，还可添饭加汤，只收35元钱。价格实惠，吃得适宜。

2023书展结束了。期盼2024书展时再来。