2024年03月29日 星期五
同样不差钱的沙特足球 决绝与勇气 纠结不完的面子 拳击手安藤忠雄 “三生无幸”
第A02版:专栏 2021-10-15

纠结不完的面子

娄一晨

娄一晨

周三一大早,我还睡眼惺忪的时候,手机就响个不停。

老友大S在电话里咆哮!

“喂,娄兄啊,中国队啥意思啦?归化了介许多巴西人,做啥勿拨伊拉首发啦?脑子坏脱啊?一定要等到0比2落后了,场面难看到自家也看勿下去了再叫伊拉上场?李铁算勒动啥脑筋啦?”

我只好承认自己没看完全场。

“喂,老兄啊,勿好意思,我正好只看了半场。看到上半场结束,0比2落后,我就关电视了。侬先覅介激动呀,下半场啥情况啦?”

大S:下半场么,中国队调人了呀。洛国富、阿兰上去了呀。关键是一上去就进球!洛国富一脚吊射,来得额漂亮!一记头好像中国队有希望了侬懂哇?但是最后伤停补时额辰光又浪费脱一只单刀,中国队还是输球!侬讲讲看,阿拉看了心里厢挖塞哇?

我忍不住要调侃一下了:哈哈,老兄啊,侬哪能一记头觉着归化球员重要啦?我记得侬最早一开始是坚决反对中国足协搞归化球员额呀……

大S张口就来:喂,此一时彼一时也!当时辰光我反对么是因为觉着足协瞎弄!但是侬看到过足协啥辰光听过阿拉球迷个意见啦?所以只好阿拉自家调整心态,归化就归化,只要能出成绩,阿拉也勿是讲勿能接受。

我笑了:个么侬今朝一早火气介大做啥啦?国家队从0比2落后到最后2比3只输一只,总还算有点进步咯?

大S:我光火额是为啥勿肯让几个归化球员一道首发呀!侬懂我意思吗?既然吃辛吃苦花了介大代价,就应该拿迭额几个巴西人往死里厢用,用足90分钟,迭额又呒没啥勿好意思额咯……

我大笑:哈哈哈,迭额我完全同意!政策允许个范围里厢就应该用足,每场比赛侪应该。但是啊,老兄,侬晓得吗?马路廊厢还是有交关人,包括中国足协甚至于体育总局,勿像侬一样思想转弯转了介快,总觉着开场唱国歌个辰光转播镜头拍出来侪是外国面孔难看相?中国人侪要面子个呀……

大S突然又光火:要面子!我最烦就是听侬讲迭额!归化介许多巴西人是为啥啦?勿就是为了要面子啊?哦,因为成绩勿好觉着坍台所以要搞归化,现在真额归化弄来了么又觉着坍台了?个么足协到底想哪能啦?

我只好劝他:哎哎哎,阿哥啊,覅介纠结来,好去上班来……看球本来就是为了开心,像侬迭能介痛苦,还是覅看最太平……

大S长叹一声:哪能办啦?就剩迭眼乐趣了呀……

放大

缩小

上一版

下一版

下载

读报纸首页