我伲旧里要动迁

文/宛延寿

2021年，旧里要动迁。一家三五口，一间小房间，白天人轧人，夜里拉门帘。盼了交关年，亭子间、灶披间、二层阁，总算可以告别了。

住辣旧里几十年，房子破旧覅去讲，一旦天浪落大雨，天花板浪画地图，泥浆污水溚溚渧，面盘脚桶侪上阵。百姓居住有困难，政府放辣心里向，城市建设定规划，旧里改造真贴心。

动迁消息传开来，阳光照进心坎里，人人激动落眼泪，奔走相告俱欢喜。补偿细则讲得透，协议签字侪争先。拿仔补偿选新居，小区环境看仔细。客厅卧室朝向好，房间方正设备齐，阳台壁橱卫生间，上上下下有电梯。

老张拿到动迁费，买房之外留一点，孙子读书蛮用功，教育经费补贴点。

老王拿到动迁费，买间小房留铜钿，儿子结婚开销大，媳妇进门见面礼。

陈家伯伯两夫妻，儿子外地做生意。市区不缺房子住，新房买到郊区去。房间宽敞空气好，换换环境躲清闲。

邻里之间来告别，拍张照片留纪念。谈谈规划笑嘻嘻，好像跌进蜜罐里。政府年年办实事，幸福生活得体现。