百叶丝蒸咸肉片

文 /邵天骏

深秋初冬时节，最弹眼落睛个一种现象是颜色个变化，比如树浪向个叶瓣，由墨绿色变成金黄色，或者由深绿色变成暗红色，让人看了心里欢喜。碰巧个是，有一道菜勿仅适合欢喜经常换口味个人，颜色选择也跟季节有关系。伊就是老多人侪欢喜吃个百叶丝蒸咸肉片。五花咸肉红白分明，搭配淡黄颜色个百叶丝，看起来交关赞。有一趟，屋里来了客人，老婆就做了搿道家常菜，客人吃得连连夸奖。

其实，百叶丝蒸咸肉片是我从小到大个心头好，简直百吃不厌。结婚以后，老婆晓得我对搿道菜情有独钟，于是顾及我个感受。隔三岔五，伊总归会做搿道菜，让我开心开心。

讲起来，搿道菜勿难做。事先切好百叶丝，放辣碗底里，选一块腌制好个五花肉汏清爽，斩成薄片，放辣百叶丝上面，放点葱姜、料酒、少许盐，放进锅里隔水蒸廿分钟左右就可以了。勿过么，为了让下头个百叶丝均匀入味，可以对伊进行调味。

需要注意个是，因为咸肉含有较高盐分搭仔饱和脂肪酸，吃多了会增加肾脏负担，影响肠胃健康，还可能引发心脑血管疾病，所以吃搿道菜还是需要适可而止，勿能呒没节制，否则对健康勿利。