苦尽甘来品茗乐

文/冯济民

空个辰光，我欢喜泡一杯香茗细细品味，幽幽个茶香让我忘记了吃力，也陶冶了性情。日久天长，我更勒品茶之中了解了勿少茶个知识，受到茶文化个熏陶。

中国是茶个故乡，茶文化是中华五千年文化个瑰宝，现今茶文化更是风靡全世界。迭勿仅仅是因为饮茶对人个身体有交关好处，更因为品茶本身就是一种极优雅个艺术享受。

我屋里茶叶勿少。扁平而光滑个西湖龙井，螺旋形、满叶细毫个碧螺春，体形娇小个武夷岩茶，绿中带黄，黄中带嫩个黄芽叶。泡茶个辰光，我小心翼翼个抓起一小撮茶叶，一股淡淡个叶香就弥漫勒空中，我个心也随着静了下来。我拿茶叶轻轻放进透明干净个茶杯里。茶叶静静个躺勒杯里纹丝勿动。随着开水个冲入，茶叶像一条条小鱼轻轻介摇着尾巴游上水面，邪气个活泼可爱。过了一歇，伊拉又慢慢叫沉了下去，片片茶叶舒展开了自家个小身体，就像睡眼朦胧个婴儿伸展自家娇小可人个身体。

白开水慢慢叫由透明变成了淡淡个绿颜色，又变成了深黄色。我闻着诱人个清香，勿禁微微抿上一口，顿时一股清香沁人心脾，喉咙涌出淡淡个甜香，久久勿散，真是齿颊留香啊！

我欢喜饮茶，更欢喜品茶。心情勿同，饮茶辰光个感觉也勿同，品出个滋味更勿同。端一杯茶，安静个坐勒窗前，闻着茶香，看着窗外，思绪会悄悄浮上心头。幽幽个茶香伴着眼前美妙个景致搭缥缈个思绪轻轻飞扬。我觉着品茶就像做事体一样，饮茶要先闻闻茶个香味，然后再开始品。做事体也一样，开始辰光要先仔细观察，再根据实际情况办理。饮茶，开始辰光是有眼苦个，但最后却是甜甜个。做事体也是搿能，苦尽甘来，有苦才会有甜，我勿由得感到，勒某种意义浪讲，品茶其实就是品味人生。