抽“贱骨头”

◆ 周允中

阿拉小辰光白相个抽陀螺，又叫“抽贱骨头”，其实是一种历史悠久个传统游戏。据记载，河姆渡遗址就出土过陶制和木制个陀螺，距今超过五千年。山西夏县也出土过陶制陀螺，距今已有四千年。当年阿拉白相个玩具陀螺一般是用木头做个，两头尖当中肚皮大个圆锥形，用线绳绕一圈，从空中使劲一甩，陀螺落地就会竖立旋转。

小辰光白相搿种游戏有三种办法：一是两个人分别用手扣住一枚陀螺的线绳，听第三人口令，同时甩出，啥人个陀螺转个辰光长，就算啥人赢。二是在陀螺落地旋转后，用线绳抽打陀螺，让其继续旋转，啥人个陀螺先倒地停转就算谁输。三是用粉笔辣了地浪画一个圆圈，让两只陀螺辣了圆圈里向转，陀螺会互相碰撞，啥人个陀螺被弹出圆圈或先倒地就算输。

陀螺转起来以后，勿但会围绕本身轴线“自转”，而且还围绕一个垂直轴作锥形运动，表现出来就是满地乱跑。陀螺“自转”越快越稳定，“自转”越慢，稳定性就越差。陀螺转个辰光长了，“自转”就会慢下来，最终躺倒。为了让伊勿停旋转，就要用绳子反复抽打底部，补充损失个动能，所以阿拉就戏称伊是“贱骨头”，因为伊勿抽勿动，一抽就动。