叫声小名别样亲

文/付秀宏

小名，又称乳名、奶名、小字，是刚出生个辰光由父母定个爱称、昵称，也是阿拉人生当中第一次接受名字。取小名之俗，自古而然。《礼记·檀弓》疏：“始生三月而加名。”《白虎通德论·姓名》：“名者，幼少卑贱之称也。”搿搭“名”指嗰主要是小名，因为按照古礼“幼名、冠字”，长大还要另取正名嗰。

历史浪勿少名人侪有小名。春秋战国辰光，晋成公、鲁成公个小名侪叫“黑臀”；三国辰光，曹操小名叫“阿瞒”，刘禅小名“阿斗”；东晋陶渊明小名是“溪狗”，南朝诗人谢灵运小名“客儿”，北宋王安石小名“猎郎”。

勿少人长大以后就拿小名放进“箱底”，甚至勿愿意辣其他人面前提起。其实，小名要看啥人来叫。假使是亲人、挚友，小名叫熟了，总有一种别样个亲昵。有辰光，好听个小名还要胜过大名。

讲起小名，我想起一个笑话。我上小学四年级个辰光，有一次喊同村一个同学“黑头”，呒没想到拨一个学堂里新来个女老师听见了。上课辰光，搿位老师狠狠批评我，讲我勿懂礼貌。伊讲，喊狗可以叫“黑头”“白毛”，侬勿能搿能介叫同学。结果其他同学听了侪笑起来，有人告诉老师，搿位同学小名就叫“黑头”。

阿拉当地有一个风俗，帮小人起小名，爷娘侪愿意反过来起，比如，我是男小囝，姆妈喊我“小红”，喊阿哥“小绿”，听起来像小姑娘。其实爷娘嘴巴里喊小红、小绿，心里想嗰是健康、强壮。

有位作家辣一篇回忆录里写到伊小辰光被迫一家头离开家乡，后来伊姆妈打听到伊个消息，就一路乞讨去寻伊，见面就喊伊小名，讲：“只要有一碗粥，阿妈就和你一起喝。”是呀，日脚再苦，姆妈也要留大半碗粥拨小囝。每次回忆起搿一幕，伊就邪气伤感。

贾平凹小辰光，姆妈希望伊一生平平安安，叫伊“平娃”。长大以后，贾平凹感觉“平娃”亲切有味道，取其谐音，改“娃”为“凹”，变成了大名。

当然，小名并非处处功德，有辰光也会产生误会。作家黄宗英，有一个弟弟，比伊小1岁。弟弟进幼儿园个辰光，老师问伊：“侬辣屋里跟啥人白相？”弟弟讲：“跟小妹玩（宗英小名小妹）”。老师再问：“小妹是侬啥人？”弟弟回答：“是我阿姐。”呒没想到，就因为搿几句闲话，老师居然怀疑弟弟智力有问题。

小名，让人有童心、有趣味。小名，是每个人心底个财富。真欢喜搿种亲切、温暖。