生活里个仪式感
文/阿 娟
经常听到一个名词，叫“仪式感”。顾名思义，就是通过一些特定个仪式，让生活增加一眼庄重和喜悦。其实，上海人很早就对“仪式感”有讲究，只勿过，当时叫做“腔调”，代表了一个人个形象、风度、品位、格调。
辣生活当中，仪式感比比皆是。婚礼浪向，新郎新娘通过交换戒指、吃交杯酒等仪式，赋予了婚姻个神圣和庄重。春节、中秋之类传统节日里，通过吃特定食物、玩特定游戏等仪式，体验中华传统文化和亲友间个温暖。平常生活当中，还可以定期搞一眼家庭活动，比如每个月搞一次聚餐之类。搿排仪式勿仅可以增强家庭成员之间个感情，还可以让家庭生活更加有趣。
另外，阿拉也可以为自家设定一眼小习惯或者小目标，增强生活个仪式感，如每天早浪吃杯咖啡、每天夜里读一个钟头书。搿排小习惯或者小目标可以让阿拉个生活更规律更健康。
让生活有一点仪式感是一种好个品质，勿仅可以让生活更加丰富多彩，还能让阿拉更自信，更幸福。
放大
上一版